Digmaan sa pagitan ng Israel, Iran at Estados Unidos: Isang karagdagang hakbang sa kaguluhang militar

Ang malawakang pambobomba ng Estados Unidos noong gabi ng Hunyo 21 hanggang 22 target ang mga lokasyong militar ng Iran ay isang panibagong yugto ng paglala ng tensyon at kaguluhan ng digmaan, ng kalagiman at walang humpay na barbarismo sa rehiyon.

Sa harap ng malawak na hanay ng iba't ibang anyo ng suporta para sa isang imperyalistang kampo laban sa isa pa, na siyang nangingibabaw sa midya at panlipunang eksena, dapat tanggihan ng mga proletaryo ng lahat ng bansa ang anumang tinatawag na 'solusyon' sa tunggalian na naglalayong ikadena sila upang suportahan ito o ang bansang iyon, ito o iyong burges na paksyon. Dapat ipaglaban ng mga rebolusyonaryo ang tanging prinsipyo na dapat ipagtanggol: proletaryong internasyunalismo. Ang tanging pakikibaka na makapagpalaya sa sangkatauhan mula sa barbarismo ng digmaan ay ang makauring pakikibaka, para sa pagbagsak ng sistemang ito na pinahina ng krisis at mga pangangailangan ng ekonomiya ng digmaan.

Dahil sa bigat ng mga kaganapang ito, magsasagawa kami ng karagdagang online na internasyonal na pampublikong pagpupulong sa Sabado, Hunyo 28, 2pm hanggang 5pm, oras ng UK. Gagawa kami ng mga pad na magagamit para sa iba’t-ibang lenggawahe, upang walang mga hadlang para sa partisipasyon sa anumang wika.

Kung gusto mong dumalo sa pulong, mangyaring mag-email sa amin: [email protected]